मतदान केन्द्रहरुमा मतदान टोली खटाउने क्रममा कर्मचारीहरुको ज्येष्ठता र अनुभव नहेरीकन भनसुनका आधारमा कर्मचारी खटाएको गुनासो डोल्पाका धेरै कर्मचारीहरुले गुनासो गरेका छन् । 

   यस अघि २ वटा निर्वाचनमा मतदान अधिकृतको रुपमा खटिएर काम गरिसकेका सि.अ.हे.व. कमल बडुवालले आफूभन्दा कैयौ पछिका कर्मचारी मतदान अधिकृतमा खटाइएको तर आफूलाई सहायक मतदान अधिकृतमा राखेको गुनासो गरे । 

   त्यसै गरी आफूभन्दा धेरै पछिका सुब्बाहरुलाई निर्वाचनमा मतदान अधिकृत बनाइएको तर आफूलाई सहायक मतदान अधिकृतमा राखिएको बताए । उनका जस्तै धेरैले मुख्य निर्वाचन अधिकृतको कार्यालय डोल्पाले ज्येष्ठता र अनुभवका आधारमा कर्मचारीहरुलाई खटाउनु पर्नेमा अपमानजनक तरिकाले खटनपटन गरिएको गुनासो गरेका छन् । 

   उता कर्मचारीहरुको गुनासो रहेको कुरामा आफूसमक्ष पनि आएको तर आफूहरुले त्यसरी गलत नियत राखेर नगरेको तर खटनपटनमा केही कम्जोरी भएको मुख्य निर्वाचन अधिकृत नारायणप्रसाद पौडेलले बताए ।