डोल्पाको ध्रुवतारा प्राथमिक विद्यालय उपल्लोदुनैलाई अमेरिकाको एक गैरसरकारी संस्था जिएसटीएलएनसी  ( GSTLNC  ) ले विद्यालयमा तत्काल परेको शैक्षिक समस्यालाई समाधान गर्नका लागि नगद सहयोग उपलब्ध गराएको छ ।
   अमेरिकामा जन्म भई उपल्लोदुनै डोल्पाका प्रकाश शाहीसंग विवाह गरेकी च्यासिटी शाहीले आफ्नो गाउँको यो विद्यालयलाई आफ्नो संस्थाको तर्फबाट नगद सहयोग गरेकी हुन् । उनलाई उनको संस्थाका अध्यक्ष भरत कडेलले दिन भने पछि उक्त सहयोग भएको च्यासिटी शाहीकी नन्द राजन शाहीले बताईन् ।
   सहयोग सानै भए पनि अति महत्वपूर्ण रहेको उक्त विद्यालयका प्रधानाध्यापक लक्ष्मण कार्कीले बताए । उनले उहाँहरुबाट यसपछि अन्य ठुलो सहयोग पनि हुने आशा राखेको बताए ।