नेपाल टेलिकमका प्राविधिकहरु ल्हाँ पुगेर बिटिएस बनाएका कारण शुक्रवारबाटै मोवाइल पुनः सञ्चालनमा आएको नेपाल टेलिकम डोल्पाका कार्यालय प्रमुख दयाविक्रम के सी ले बताए ।
   मोवाइल बने पछि ल्हाँको फुल्चिङ्गबाट फोन गर्दै मंसिरमा बिग्रेको मोवाइल बने पछि धेरै खुसि लागेको सुमन बस्नेतले बताए । उनी जस्तै ल्हाँ गाविसका मोवाइल प्रयोग गर्नेहरु सबै खुसि भएका छन् । खुसि संगै गाउँ भन्दा बाहिर रहेका आफन्तहरुलाई फोन गरेर खबर आदान प्रदान गरेका छन् ।
   ल्हाँ गाविसका बिटिएस बने पछि तिनै प्राविधिकहरु कालिका गाविसमा रहेको नमस्ते मोवाइलको बिटिएस बनाउन शुक्रवारै हिडेको नेपाल टेलिकम डोल्पाले जनाएको छ । यस अघि शहरतारा बनाउन गएका प्राविधिकहरुले बिटिएस नै बिग्रेको पत्ता लगाएका छन् । कालिका बनाएर फर्के पछि शहरताराको बिटिएस फेरेर मोवाइल संचालनमा ल्याउने नेपाल टेलिकम डोल्पाका कार्यालय प्रमुख के सी ले बताए ।
   शहरताराको नमस्ते मोवाइलको बिटिएस धेरै पहिलेदेखि नै कहिले आउने र जाने गरिरहेको र भने कालिका गाविसमा रहेको नमस्ते मोवाइलको बिटिएस मंसिरदेखि नै बिगे्रर बन्द भएको  नेपाल टेलिकम डोल्पाले जनाएको छ ।