यसरी चामल वितरण गर्दा जिल्लाका सबै गाविसवाट आउनेहरुलाई एकै पटक वितरण गर्न कठिन पर्ने हुदा फरक फरक दिनमा वितरण गर्ने सुचना जारि गरि वितरण गरेको हो । त्यसमा पनि ८ र ९ गतेका दिन जुफाल गाविस,१० र ११ गते माझफाल गाविस,१२ र १३ गते त्रिपुराकोट गाविस,१४ र १५ गते सु गाविस र अन्तिम १६ गते भने कर्मचारि लगायत छुटेकाहरुलाई चामल वितरण गर्ने भएको छ । टाढावाट आउनेहरुका लागि पनि सजिलो होस भन्ने उद्देश्यले यसरि फरक फरक दिनमा चामल वितरण गरेको हो । हल जुफाल गोदाममा जापानि चामल बाहेक अरु प्रकारका चामल नभएको गोदाम प्रमुख गोविन्द  पौडेलले जानकारि दिनुभएको छ । अहिले फाल्गुण र चैत गरि २ महिनाको चामल एकै पटक वितरण गर्ने भएको छ । लामो समयपछि नेपाल खाद्य संस्थान शाखा कार्यालय जुफाल द्धारा चामल वितरण कार्य शुरु भएपछि अहिले जुफालका होटल तथा पसलहरुमा समेत सामान किन्ने मानिसहरुको घुइचो लागेको छ । यस अघि सर्वसाधरण हरु बजारका किराना पसलहरु वाट प्रतिक्विन्टल १० हजार तिरेर आफ्नो दैनिक जिवनयापन गर्न बाध्य भएका थिए । अहिले भने स्थानिय वासिहरुमा खुशि छाएको जुफाल स्थित समचारदाता कमल डागिले फोनबाट जानकारि दिएका छन् ।