रेडियो डोल्पा एफ.एम.

   डोल्पा, असोज २९ –

 

   आगामी मंसिर १० गते हुने प्रतिनिधि सभा र प्रदेश सभाको निर्वाचनका लागि डोल्पाको सदरमुकाम दुनैमा आईतार मुख्य निर्वाचन अधिकृतको कार्यलय स्थापना गरिएको छ । 

   यहि आउदो मंसीर १० गते हुने प्रतिनिधि सभा सदस्य निर्वाचनका लागि डोल्पालाई निर्वाचन क्षेत्र एउटा मात्र निर्धारण गरिएको छ भने र प्रदेश सभाका लागि २ वटा निर्वाचन क्षेत्र बनाइएको छ । प्रदेश सभा निर्वचन क्षेत्र नं १ मा ठूलीभेरी नगरपालिका, काइके गाउंपालिका, छार्का ताङ्सोङ् गाउंपालिका र डोल्पोबुद्ध गाउंपालिका गरी ४ वटा स्थानीय तह परेका छन् । प्रदेश सभा निर्वाचन क्षेत्र नं. २ मा त्रिपुरासुन्दरी नगरपालिका, मुड्केचुला गाउंपालिका, जगदुल्ला गाउंपालिका र शे–फोक्सुण्डो गाउंपालिका गरी ४ वटा स्थानीय तह परेका छन् । 

   उक्त मुख्य निर्वाचन अधिकृतको कार्यलयको मुख्य निर्वाचन अधिकृत जिल्ला अदालत डोल्पाका माननिय न्यायाधिस रमेशप्रसाद ज्ञवालीले मुख्य निर्वाचन अधिकृतको कार्यालय उद्घाटन गरेका थिए । कार्यालय जिल्ला समन्वय समिति भित्र रहेको जिल्ला प्राविधिक कार्यालयको भवनमा मुख्य निर्वाचन अधिकृतको कार्यालय राखिएको छ । यस अघि २०७० को संविधान सभा निर्वाचन र २०७४ को स्थानीय तह निर्वाचनका लागि पनि यही भवनमा मुख्य निर्वाचन अधिकृतको कार्यालय राखिएको थियो ।