टेक शाही 

रेडियो डोल्पा एफ.एम.

 डोल्पा बैशाख २१ –डोल्पाका बिभिन्न ठाँउमा लागेको आगलागिको कारण डोल्पाको जुफाल बिमानस्थलमा आज पाँचौ दिन पनि हवाई उडान हुन सकेन । एक मात्र यातायातको माध्याम हवाई यातायात जुफाल बिमानस्थल पाँचौ दिन सम्म अबरुद्ध भएको छ  । दुई साता देखि निरन्तर रुपमा लगेको आगोको कारण धुवाको तुवालोले जहाजले उडान भर्न नसकेको नागरिक उड्यन प्राधिकरण नेपालगञ्जले जानकारि दिएको छ । 

धुवाको तुवालोले आकाश पूरै ढाके पछि मानिसले जिवन पहिलो पटक दिउसै अध्यारो भएको महसुस गरिएको स्थानियहरुले बताएका छन । तिन हप्ता देखि लागेको बाक्लो तुवालो दुई दिन देखि बढ्दै गए पछि आज डोल्पाको सबै ठाँउमा करिव ५० मिटर सम्म टाढाको दुरी मात्र देख्न सकिन्छ । 

हरेक दिन तुवालो बाक्लो हुदै गए पछि तुवालोले मानिसको आँखा दुख्ने,आँखा पाक्ने,अल्छि लागने,टाउको दुख्ने,जवारो आउने,रिगटा लाग्ने जस्ता लक्षण देखा पर्न थालेका छन । धुवाको मात्रा बढे पछि दैनिक रुपमा काम गर्ने,हिडने मानिसलाई स्वासप्रस्वासमा कठिन भएको छ । कार्वण्डाईअक्साईडको मात्रा बढेको कारण यस्तो बेलामा धेरै लामो समय सम्म दौडन,हिडन,बाहिर घुम्न नहुने र सके सम्म पानिको मात्रा बढि पिउने गरेमा स्वास्थ्यमा समस्या नआने चिकित्सकले सल्लाह् दिएका छन ।