नेपाल टेलिकमका नमस्ते, सिडिएमए र ल्याण्डलाइन फोनका साथै इन्टरनेट सेवाको नेटवर्क समस्याले इन्टरनेट सेवा सबैभन्दा प्रभावित भएको, नमस्ते र स्काई मोवाइलको नेटवर्क कहिले आउने जाने र फोन आएगएको थाहा नहुने, फोन उठाउदा कुरा नहुने तर पैसा काटिने, नेटवर्क देखिने तर कुरा नहुने समस्याले टेन्सन गराएको दुनै पसल गरी बसेका नारायण अधिकारीले बताए । 

   गत मंगलवारदेखि इन्टरनेट नेटवर्कले झनै समस्या भएको र बल्ल शुक्रवार सांझपख देखि मात्र थोरै काम गर्न सुरु गरेको र यो पनि कति समय हो भन्ने चिन्ता बढेको शेरबहादुर बुढाले बताए । 

   गत केही हप्ता यता नेपाल टेलिकमका विभिन्न सेवाहरुले हैरान बनाएको छ । कुरा गर्ने क्रममा ह्याङ हुने, कुरा नहुने, नसुुनिने, यता सुनिने उता नसुनिने, इन्टरनेटले काम नगर्ने समस्या बढेको र कुरा नहुदा मोवाइलको समस्या भयो भनेर आफूले मोवाइलनै फ्यांकेर फुटालेको कार्मा गुरुङले बताए । 

   यो राष्ट्रिय समस्या हो या डोल्पा जिल्लाको मात्र समस्या हो भनेर सेवाग्राहीहरुले सोधेर हैरान पारेको नेपाल टेलिकम डोल्पाका प्रमुख दयाविक्रम के सी ले बताए । उनले थपे यहांको मात्र समस्या होइन भनेर सेवाग्राहीहरुलाई सम्झाउदै छिट्टै सुधार हुने बताउदै फर्काउने गरेको छु ।