clxn] k|;f/0fdf M
tfhf ;dfrf/M
समाचार तथा गतिविधि
प्रतिनिधि सभा र प्रदेश क मा एमाले भारि मतले बिजयी
प्रतिनिधि सभा र प्रदेश क मा एमाले  भारि मतले बिजयी
 
 
   डोल्पा, २२ मंसिर –
 
 
   मंसिर १० मा भएको मतदानको मतगणना बिहिवार सांझ ९ः२५ बजेदेखि सुरु भएको मतगणनाको अन्तिम परिणाम बमोजिम डोल्पा प्रदेश क र प्रतिनिधि सभामा वाम गठबन्धनबाट एमालेका उम्मेद्वारहरु भारि मततान्तरका साथ विजय भएका छन् । 
   मुख्य निर्वाचन अधिकृत रमेशप्रसाद ज्ञवालीले घोषणा गरे बमोजिम वाम गठबन्धनबाट प्रतिनिधि सभा सदस्यमा एमालेका धनबहादुर बुढाले ७४ प्रतिशत र प्रदेश सभा क को सदस्यमा एमालेका नन्दसिंह बुढाले ८१ प्रतिशत मत प्राप्त गरी बिजयी भएका छन् । प्रतिनिधि सभा सदस्यमा धनबहादुर बुढाले ११ हजार ७ सय ६१ मत ल्याएर बिजयी भएका छन् भने उनका निकटतम प्रतिद्धन्द्धी नेपाली कांग्रेसका अंगदकुमार बुढाले ३ हजार १ सय ६७ मत प्राप्त गरेका थिए । प्रदेश सभा क को सदस्यमा नन्दसिंह बुढाले ५ हजार ४ सय ९० मत प्राप्त गरेर बिजय भएका थिए भने उनका निकटतम प्रतिद्धन्द्धी नेपाली कांग्रेसका वेगमसिंह ठकुरीले १ हजार २ सय १३ मत पाप्त गरेका छन् । 
   प्रतिनिधि सभा तर्फ १५ हजार ८ सय १२ मत खसेको थियो भने प्रदेश क मा ६ हजार ७ सय ८८ मत खसेको थियो । खसेको मत मध्ये प्रतिनिधि सभा तर्फ ५ सय ६४ मत बदर भएका छन् । प्रदेश सभा तर्फ ८५ मत बदर भएका छन् । खसेको मतको आधारमा प्रतिनिधि सभाका बिजयी सदस्य धनबहादुर बुढाले ७४ प्रतिशत ११ हजार ७ सय ६१ मत प्राप्त गरी निकटतम प्रतिद्धन्द्धी भन्दा तीन गुणा ८ हजार ५ सय ९४ मतान्तरले बिजयी भएका हुन् ।  त्यसै गरी प्रदेश सभा तर्फ खसेको ६ हजार ७ सय ८८ मतको ८१ प्रतिशत मत प्राप्त गरेर एमालेका नन्दसिंह बुढा बिजयी भएका छन् । 
   प्रतिनिधि सभा सदस्यमा बिजय हुने धनबहादुर बुढा २०६२, ०६३ मा तत्कालिन राजा ज्ञानेन्द्रविक्रम शाहद्धारा मनोनित जिल्ला विकास समितिका सभापति हुन् । लामो समयदेखि राप्रपामा आफ्ना दाजु कर्णबहादुर बुढासंग राजनीतिक गरेका धनबहादुर बुढा २०७० मा एमाले प्रवेश गरी संविधान सभाको निर्वाचन २०७० मा निर्वाचित भएका हुन् । पूर्व सांसद बुढा आर्थिक रुपमा मजबुत नेता हुन् । उनले आफ्नो आर्थिक समृद्धि ठेक्का पट्टाबाट गरेका हुन् । 
   बिजय हुने नन्दसिंह बुढा नेकपा(एमाले) डोल्पाका वर्तमान सचिव पनि हुन् । उनले २०५४ सालदेखि नै नेकपा एमालेको राजनीतिमा सक्रिय भएका थिए । उनले आफ्नो घरमा आमा बुबा राष्ट्रिय प्रजातन्त्र पार्टीमा सक्रिय रहेको बेला पनि कठिन संघर्षका साथ कम्युनिष्ट राजनीतिमा लागेर आफ्नो सबै परिवारलाई एमाले बनाउने मात्र होइन आफूलाई नेताको रुपमा स्थापित गरेका बुढाले एमाले जिल्ला कमिटी सदस्य हुदै, जिल्ला कमिटी सचिव भएको भए पनि लाभको पदमा भने बल्ल मौका पाएका छन् । उनले लामै समयदेखि एमालेका नेताको छवी बनाएका थिए । 
   प्रदेश सभा ख को मतगणना भने जारी रहेको छ । शुक्रवार विहान १० बजेबाट गणना सुरु भएको प्रदेश ख को मतपरिणाम मध्ये राति नै सम्पन्न गर्ने गरी गणना भैसकेको मुख्य निर्वाचन अधिकृतको कार्यालय डोल्पाले जनाएको छ । यस प्रदेशमा पनि वाम गठबन्धनबाट माओवादी केन्द्रका उम्मेद्वार बिरबहादुर शाहीको जीत सुनिश्चित भैसकेको उक्त पार्टीले जनाएको छ । किनकी ८ हजार ७ सय खसेको मत मध्ये हालसम्म बिरबहादुर शाहीले ४ हजार १ सय ७३ मत प्राप्त गरिसकेका छन् भने उनका पछिपछि नेपाली कांग्रेसका सुरेशबहादुर शाहीले १ हजार १ सय ४६ मत मात्र पाएका छन् । यस प्रदेशको मत गन्न अब ३ हजार मत मात्र बांकी रहेको छ । 
 
डोल्पा
प्रतिनिधिसभामा – एमाले बिजयी
( ताजा अपडेट)
१. धनबहादुर बढा  (एमाले – बिजयी )

११७६१ 
२. अंगदकुमार बुढा (कांग्रेस)

 ३१६७ (निकट्तम प्रतिद्धन्द्धी)
३. हर्कबहादुर ठकुल्ला(माले)
        २९९
४. अर्जुनबहादु शाही(राष्ट्रिय जनमुक्ति पार्टी)

०२१
बदर मत ः ५६४
सदर मत ः १५२४८
जम्मा खसेको मत ः १५८८९
प्रदेश–क मा एमाले बिजयी
८१ प्रतिशत मत प्राप्त गर्दै प्रदेश क मा एमाले बिजयी
१. नन्दसिंह बुढा (एमाले )
५४९०(बिजयी)

२. वेगमसिंह ठकुरी (कांग्रेस)

१२१३ (निकट्तम प्रतिद्धन्द्धी)
बदर मत ः ८५
सदर मत ः ६७०३
जम्मा खसेको मत ः ६७८८
प्रदेश– ख मतगणना जारी
१. बिरबहादुर शाही (मा.के.)

४१७३
२. सुरेशबहादुर शाही (कंग्रेस)

११४६
३. पुष्पराज बुढा (नयां शक्ति पार्टी नेपाल)

६९
४. जयबहादुर डसाल(स्वतन्त्र)
       ६३
 
बदर मत ः १४७
सदर मत ः ५४५१
गनिएको मत ः ५५९८
 
 
tkfO{sf] dt

Loading...

cfh k|;f/0f x'g] sfo{s|dx?
बी.बी.सी. नेपाली सेवा 8:45 pm-9:15 pm
सबै हेर्नुहोस्